Wasiirka Arrimaha Dibadda Turkiga Oo Ka Hadlay Doorka Dalkiisa Ee Wada Hadalada Somaliland Iyo Soomaaliya
November 7, 2019 - Written by Berbera Today
Hargeysa(Berberatoday.com)-Wasiirka Arrimaha dibadda Turkiga Mevlut Cavusoglu, ayaa ka hadlay doorka dalkiisa ee wada hadalada Somaliland iyo Soomaaliya.
Wasiir Mevlut Cavusoglu, oo Axadii hadal ka jeediyay shirka kooxda xidhiidhka Soomaaliya ee Ururka Islaamka oo Ku qabsoomay dalka Qatar, wuxuu si kooban u sheegay in Turkigu dalbaday inuu door fududayn iyo dhexdhexaadin ah ku yeesho wada hadalada Somaliland iyo Soomaaliya, “Waxaanu dalbanay door fududayn iyo dhexdhexaadin ah oo ku saabsan wada hadalada Somaliland iyo Soomaaliya.” Ayuu yidhi Wasiirka arrimaha dibadda ee Turkiga Mevlut Cavusoglu oo aan bixin faahfaahin dheeraad ah, wuxuuse hadalkisa raaciyay in doorashada Soomaaliya ee sannadka 2020 ay keeni doonto isbedel muhiim u ah mustaqbalka Soomaaliya.