Guddoomiyihii Baarlamaanka Puntland Ee Xilka Laga Qaaday Oo Deegaamo Katirsan Gobolka Sanaag Soo Gaadhay
November 9, 2019 - Written by Berbera Today
Xiingalool(Berberatoday.com)-Gudoomiyihii Baarlamaanka maamulka Puntland Cabdixakiin Maxamed Axmed (Dhoobo Daareed) oo khamiistii Xildhibaano katirsan Baarlamaanka Puntland xilka ka qaadeen ayaa isaga tagay magaalada Garawe oo horey u degnaa.
Dhoobo Daareed iyo ciidamo badan oo ilaalo u ah ayaa shalay galab gaadhay deegaanka Xiingalool ee Gobolka Sanaag, waxaana halkaasi kusoo dhaweeyay waxgaradka magaalada iyo dadweyne kaloo aad utira badan.
Gudoomiyihii Baarlamaanka Puntland ayaana horey sharci daro ugu tilmaamay xil ka qaadista lagu sameeyay, waxa uuna ku adkeestay in uu wali yahay Gudoomiyaha Baarlamaanka uuna ku yimid sifo sharci ah.