|
|
Hargeysa(Berberatoday.com)-Guddoomiyaha Baanka dhexe ee Somaliland Cali Ibraahin Jaamac (Baqdaadi) ayaa qaabilay wafti ka socda dalka Tayland.
Waftigan ka socda Tayland ee uu la kulmay Guddoomiyaha Banka dhexe ee Somaliland waxa ay ka socdeen mid kamida Baananka Islaamiga ah ee dalka Tayland sidoo kalena waxa waftigaasi ka mid ahaa Khubaro aqoon durugsan u leh dhinacyada Maaliyadda, Beeraha, Biyaha, Macdanta iyo Kaabayaasha dhaqaalaha.
Guddoomiyaha Baanka dhexe ee Somaliland Cali Ibraahin Jaamac (Baqdaadi) ayaa sheegay in u jeedada ay waftigani Somaliland u yimaadeen ay tahay in ay ka furan Baan Islaami ah isla markaana uu ka Baan ahaan u u socdo wada xaajood ku saabsan arintaasi.
Iid Cali Salaan oo ah Guddoomiyaha Xarunta Ilays Development iyo Guddoomiyaha Jaamacadaha Golis Pro. Siciid Axmed Xasan ayaa sheegay in u jeedada waftigani u socdaan ay tahay mid kor u qaadaysa dhaqaalaha iyo shaqo abuurka dhalinyarada Somaliland.
Gebogebadiina Mr. Peter oo u hadlay waftigaasi ayaa sheegay in uu Somaliland ku bogaadinaayo horumarka dhaqaale ee ay ka samaysay dhinacayadda Dhaqaalaha Beeraha, Biyaha iyo Kaabayaasha kale.
Halkan hoose ka daawo muuqaalka warka
Berberatoday.com