Nuqulkii is fahanka ahaa ee heshiiskii  DPW iyo JSL wada galeen  sanadkii 9/5/2016 –Waxaa Heshiiska qaybtiisa 1-aad  ku cadaa  in mudnaanta 1-aad  la siin doono Mashaariicda horumarinta bulshada iyo kor-uqaadida Kaabayaasha dhaqaalaha ee dalka, kuwaas oo Xukuumadii hore ee Siilaanyo ka ilduuftay  xukuumada hadana ay sheegtay sanadkii dhamaaday  in mashaariicdu ahaayeen balan qaad keliya ee aan laguba heshiin. Mashaariicda horumarineed ee la isla fahmay intaan DPW heshiiska oo dhameystiran loo saxeexin waxaa ka mid ahaa: Mashruuca Horumarinta Beeraha,Kaluunka, Dhoofka xoolaha, Shaqo abuurka dhalinyarada, horumarinta Dalxiiska, dhismaha Wadadda Berbera Corridor, Dhismaha Keydka haamaha Shidaalka ee Berbera , horumarinta Caafimaadka, Waxbarashada iyo horumarinta korontada magaalada Berbera,dhismaha Madaar  madani ah oo  Berbera laga dhiso. Waxaa laysla qaatay  in balaadhinta Dekeda Berbera  lagu dhisi doono mudo sanad gudihiis taa soo dhismuhu ku saleysnaan doono sadexdan weji  oo kala ah:

A- Wejiga 1-aad ee dayac tirka dekedii hore:  Waxaa la keeni doona Dekeda Berbera 3 Wiish oo Alaabta dejiya  (3 Mobile Cranes)   5 Wiish oo raseeyayaal ah (5 reach stackers)  3 Tareele oo Kontaynarada qaada  (3 empty  carriers)  New Security  system taas oo Dekeda lagu qalabeyn doono cilmiga tiknolajiyada cusub ee kumbuyuutarka iyo kamaradaha wax ilaaliya. Wejigani wuxuu ku kacayaa  lacag gaadhaysa $62 Million oo Dollar. ilaa iyo hada DPW lagama hayo war bixin dhameystiran oo qeexaysa in ay Dekeda gelisay lacagtaa tirada badan  ee gaadhaysa $62 million doolar  .

B- Wejiga 2-aad ee Balaadhinta Dekeda:   Wejigan wuxuu leeyahay waxaa Dekedii hore lagu kordhinayaa Deked yar oo cusub oo dhererkeedu yahay 400m iyo 25 yard  oo ay ku soo xidhan karaan ilaa iyo 3 markab.  Waxaa kale oo wejigan la socday  in la keenaayo Dekeda Berbera  7 Wiish oo ah kuwa casriga ah ee qaada isla markaana raseeya kontaynarada (7 Rubber tired Gartry Cranes). Waxaa wejigani lagu maalgelin doonaa lacag gaadhaysa ilaa $170 Million oo Dollar. Wejigan oo dhismihiisu mudo sanad iyo badh ah socday ayeynu markhaati ka aheyn in dhawaan shirkada dhismaha gacanta ku haysa ee “ Shafa  Al nada” ay tidhi waxaanu dhamaynay dhismihii Dekeda boqolkiiba 62% waxaana  Dekeda la dhameynayaa bisha Sebtember 2020,   Halka madaxweynuhu uu qudbadiisii  dhawaan ku sheegay in wejigani dhamaaday 43%.

C- Wejiga 3-aad : Wuxuu qeexayaa in wejigan  hirgelintiisu ay ku xidhan tahay mar kasta sida ay u shaqeeyaan Wejiga 1-aad iyo Wejiga 2-aad, Wuxuu wejigani qeexayaa in marka Dekeda wax soo saarkeedu gaadho ilaa iyo boqolkiiba 75%  ay markaa hirgelinayaan  Wejiga 3-aad, Taa soo Dekeda lagu sii kordhinaayo 400m Quay and 25yrd kale oo noqonaysa barxad kale oo ay ku soo xidhan karaan ilaa iyo 3 markab oo kale. Qiimaha  wejigan 3-aad  lagu Maalgelinaayo ayaa isna  lagu qiyaasay lacag gaadhaysa $10 Million Dollar.

1- Waxay dayac tireen Dekedii hore in kasta oo aan lagu maal gelin lacagtii loo qoondeeyey oo aheyd $62 Million oo Dollar-

4- Waxay sheegeen in ay dhameeyeen wejigii kowaad ee ahaa dayactirka dhismaha Dekedii hore ee Berbera –  lacagta ku baxday ma dhan tahay intii loo qoondeeyey?

5- Waxay sheegeen in ay kordhiyeen 50% shixnadaha ka soo dega dekeda Berbera –

6- Waxay sheegeen in ay hirgeliyeen 70% Horumarkii ay ka wadeen Dekeda Berbera.

7- Waxay sheegeen in hada Dekedu ku shaqeyso qalab cusub iyo nidaam cusub oo nabadgelyadiisu sareyso oo 4 shift ah.

8- Waxay sheegeen in  tayada dhismaha Dekeda cusub ay kormeeraan shirkad ingiriisi ah si ay Dekedu u noqoto mid tayo leh oo caalami ah .

9- Waxaa yoolka Kontaynarada dekeda ka soo dega gaadhsiiyeen sanadkan ilaa 150 kun oo kontaynar, halka sanadaha soo socdana ay odoroseen 450 kun oo kontaynar.

10 – Waxay odoroseen  in Dekeda ay ka dhoofidoonaan sanadkiiba xoolo aad u badan oo gaadhaaya 4 Million oo neef

4- In Madaarka  Berbera  si dhakhso ah loo furo oo aan lala sugin inta Suuqa xorta ah la dhisaayo.

5- In Berbera laga dhiso Suuqa xorta ah oo ah Suuq balaadhan oo alaabooyinka dalka gudihiisa iyo debediisa tegaaya lagu kala qaybiyo ( free zone )

6- In heshiiskii sadex-geesoodka ahaa ee DPW, Itoobiya iyo JSL ay kala saxeedeen ee ahaa in 30%  alaabta itoobiya ay soo marto Berbera la fuliyo

7- In la cayimo waqtiga ay dhamaanayaan Wadada Berbera Corridor iyo Dhismaha suuqa xorta ah ee FREE ZONE

8- In dhalinyarada aqoonta leh ee Somaliland loo ogolaado in ay Imaaraatka u shaqo tagaan iyaga oo baasaabooradooda Somaliland isticmaalaya.

9- In la fuliyo dhamaan mashaariicdii arimaha bulshada ee heshiiska ku jiray lana joojiyo in mashaariicda la gabo-ganbeeyo oo kolba  lacag yar cid la siiyo.

10 – In Adeegyada Dekeda iyo Xafiisyadeeda meel laysugu wada keeno lana dhamaystiro qalabeynta Dekedii hore..