Sheekh Bulshada Ufaah Faahiyay Qaabka Ugu Haboon Ee Ay Salaada Ciida Ugu Tukan Karaan Guryahooga.
May 22, 2020 - Written by Berbera Today
Hargeysa(Berberatoday.com)-Sida la ogyahay, waxa dalka Jamhuuriyadda Somaliland iyo caalamkaba saamayn xooggan ku yeeshay xannuunkan la yidhaahdo Covid-19, waxaannu xannuunkaasi sababay inuu caqabad ku noqday qaabka ay dadka muslimiinta ah u cibaadaysan jireen iyo goobaha lagu tukan jiray, iyadoo la ogaaday in xannuunku ku fido isku-imaanshaha dadka badan ee sida aadka ah isugu soo dhawaada, waxayna taasi keentay dalalka islaamka ah ay joojiyeen in dadku ay masaajidada ugu cibaadaystaan sidii hore ee caadiga ahayd, waxa kaloo la joojiyey in salaadda ciidda lagu tukado goobaha dadka badan isugu iman jiray ka hor intii aannu soo bixin xannuunkani, waxaanna dadweynaha la faray in qof walba gurigiisa ku dhex tukado salaadda ciidda.