Hay’adda Amnesty Oo Mareykanka Ugu Baaqday Inuu Magdhow Siiyo Dhibanayaasha Rayidka Ee Duqeymaha Cirka Ee Soomaaliya
July 31, 2020 - Written by admin
Muqdisho(Berberatoday.com)-Kooxda u doodda xuquuqda aadanaha ee Amnesty International ayaa ugu baaqday Mareykanka inuu magdhow siiyo dhibanayaasha rayidka ah iyo qoysaska ay saameeyeen duqeymaha cirka ee Soomaaliya.
Amnesty ayaa baaqaan siidaysay kadib markii Taliska Mareykanka ee Afrika (AFRICOM) uu qirtay in hal qof rayid ah lagu dilay halka saddex kalena lagu dhaawacay duqeyn cirka ah horaantii sanadkan.
Dhacdadu waxay dhacday 2-dii Febraayo meel u dhaw magaalada Jilib ee koonfurta Soomaaliya. AFRICOM waxay soo sheegtey in hal argagixiso la dilay.