Xisbiga KULMIYE Oo Lacagta Murashaxnimada Ka Dhaafay Tartamayaasha Haweenka Ah Iyo Beelaha Laga Tirada Badan Yahay
February 21, 2021 - Written by admin
Hargeysa(Berberatoday.com)-Xisbiga KULMIYE, ayaa ka dhaafay lacagta murrashaxnimo tartamayaasha ka socda haweenka Somaliland iyo beelaha la hayb-sooco.
Qoraalkan oo soo gaadhay Warbaahinta Aftahannews ayaa u dhignayd sidan:-
Guddoomiye-ku-xigeenka labaad ee xisbiga KULMIYE Md. Axmed Cabdi Xuseen (Axmed Cabdi-dheere), ayaa wareegto uu soo saaray maanta ku shaaciyey in gebi ahaanba xisbigu joojiyey inuu wax lacag ah ka qaado murrashaxiinta matalaya haweenka iyo beelaha laga tirada badan yahay ee iska soo sharraxaya KULMIYE, si uu xisbigu u dhiirrigeliyo tartamayaasha labadaa qaybood ee ka tirsan bulshada.