Wafti Kasocda Dalka Zambia Oo Hargeysa Yimi Iyo Ujeedada Socdaalkooda

April 5, 2021 - Written by admin

Hargeysa(Berberatoday.com)-Magaalada Hargeysa ee Caasimada Somaliland waxa soo gaadhay wafti ka socda dowladda Zambia,

Waftiga ka socda Zambia waxaa hoggaaminaya Wasiirka Wasaaradda Cadaaladda dalkaas Gavin Lubinda, iyagoona ay weheliyaan sarakiil sare oo ka socota Madaxtooyadda Zambia ayaa ka soo degay Garoonka Cigaal International Air-port.

Wasiir Gavin Lubinda, iyo waftigan ayaa kulan gaar ah ay la yeelan doonaan Madaxweynaha JSL Muuse Biixi Cabdi.

Md JSL Muuse Biixi iyo Wasiirka Wasaaradda Cadaalada Zambia Gavin Lubinda ayaa ka wada hadli doona xidhiidhka u dhexeeyay labada dal iyo arrimo kale oo u qorsheysan, iyadoona la filayo in kulankaas ay ka hadashado Madaxtooyada Somaliland.

Luqmaan Maxamed Faarax